Zum Thema - Wasserturm / Artikel vom 11. Juni "Hinner Gitter"

Letscht bin ich batschnaß uffgewacht, nach einer wahren Horrornacht. Ich hab geträumt, widder und widder, der Wasserturm, wär hinner Gitter. Soi schääne Fieß, isch hab gegreunt, die warn, mit Gitterstäb umzäunt. An manche Tage, und bei Nacht, vun Security bewacht. Der Stolz vun Mannem, echt verhunzt, vollgeschmiert, und ohgebrunzt. Die schääne bunte Blumebeete, umgittert gege Trampelschäde. Leit die bade, feiern, grille, im Jugendstilpark, schamlos chille. Dreck do losse, randaliere, Lichter schrotte, Wänd beschmiere. Respektlos umgehn, wie ma sieht, mit dem was Monnem, so sehr liebt. Do bin ich, endlisch uffgewacht, und hab gonz ruhisch, zu mir gsacht: "Dreh Disch rum, in Deinem Bett, des gibts in Monnem gottlob nät." So bleed kann Monnem, niemols soi, es war bloß ähn Traum, Monnem Ahoi !