Zum Festival-Wochenende "Monnem Bike" am 10. und 11. Juni:
Mannem - Monnem, krank odder kronk? Jetz muss isch doch emol was loswerre: in ledschder Zeit werd immer öfters Monnem gsacht un gschriewwe, isch kumm awwer ausem Mannemer Süde un do hieß un heeßt des MANNEM. Wenn isch dann a mol in unserm schäne Liedgut nachgugg, dann schdeht dort a:
"So sin die Mannemer" odder "Isch bin än eschder Mannemer" (beides Lieder von Joachim Schäfer)
Jetzt soll des Vehikel des de Karl domols erfunne hott "Monnem Bike" heeße. Des werd jo immer doller. Des is ä Mannemer Rollrad odder so ähnlich. Mir im Süde, also uff de unnere Seit vum Neggar, dofier awwer näher am Rhoi, hawe kä O in unserer Schdat. Un wenns uns net gud geht, sin ma a net kronk, dann sin ma krank odder uns is halt net gud. Die im Norde sin halt schun viel zu nah am Odewald un am Ried un dass ma do ganz annerschd babbelt, des wisse ma jo all.
So, jetzt wär des a mol gered, awer es hot jetz mol gsacht werre misse. Än schäne Dag noch.
PS: de ä odder annere Schreibfehla kännt do jetz drin soi, so arg oft schreibt ma jo ned wie ma babbelt.
