Nadierlich mit "o"

Zum Artikel "Muddersprooch: ,Mannem' oder ,Monnem'?" vom 1. Juli:

Ja, wie seh ich die Sach "Mo oder Ma"! Hert emol all her, die nit wisse ob unser Stadt im Dialekt gesproche "Monnem" oder "Mannem" hest. Also, ich bin e waschechte Monnermarin, nadierlich mit "o", weil des "a" do nit hibast. Un ich muss des jo wissen, weil ich in de Quadrate nämlich uf die Welt kumme bin, nämlich in U 4 - ä Zimmer, e Kisch und´s Kloh im Trebbehaus. Zum Letsteren hot Liselotte von de Palz "Kackstuhl" gsagt. Un des Ganze mit Blick in de Hinnerhof. Weil mein Grossfadder un moin Vadder in Munnerum gebore sin, bin ich mär ä Kurpelzerin, ganz wie Liselotte von de Palz. Bei meiner Tant hab ich der ihrn Name kriegt.

Uffgebasst

Jetzt basst gut uff, Liselotte ohne "e" hinerm "i". Nit wie de "Monner-Morgen" dere ihr Name mit "ie" geschriwe hot, un äfach des "e" hiner des "i" gedatscht hot. Do haw ich nadierlich glei dene vum "MM" agerufe, un hab ne gsacht, dass des grottefalsch is, die hawe die Sach glei richdig gstellt. Donk schä noch emol dafier. Seht, so wenig das des "e" in dem Fall hinner "i" basst, so wenig män ich, basst des "a" bei "Monnem" im Dialekt gesprochen nei. Do fellt ma grad noch was ei, long isses her, mehr wollte mol unserem Wasserturm e neies Dach ufsetze, aber do hawe mir alte Monnemer uns uf die Hinnerfies gstellt, denn e neies Dach het genauso wenig gebasst wie des "a" bei "Monnem", des "e" hinerm "i" bei de Liselotte un e neies Dach ufem Wasserturm.

Wie wir auch Mannheim mit "o" oder mit "a" nenne due, "Mo" oder "Ma", es ist unsere Stadt un ich lieb sie über alles, besonders die Zeit, in den Jahren meiner Kindheit, die alten Häuser, die Gärten im Hof. Ich habe Sehnsucht nach meiner geliebten Stadt meiner Kindheit.

Wie wir auch den Namen unserer Stadt sprechen werden. Es ist unsere Stadt, unsere Heimat und wir lieben sie, egal wie wir sie nennen.